’t Lindeboom Vastelaoves Pleinfestijn is mieër as tieën jaor geleeje óntstaon as lokaal evenement óm de vastelaovendj aaf te trappe.  

’t Teikentj zich as ‘ein gezellig fieëst mèt ein dörps en familiair karakter’. 

Mèt anger wäörd, ’t Pleinfestijn is väör ederein! ’t Pleinfestijn is ein samewèrking tösse V.V. De Kwakkert en Lindeboom Bierbrouwerij. 

Same mèt ein team van lokale, helwèrkendje vriewilligers waertj d’r eder jaor gewèrktj óm dit evenement toet ein succes te make! Wils dich ouch gaer dien steinke biedrage aan dit sjoeëne evenement. Gank den nao oze vriewilligerspagina en melj dich aan! 

’t Pleinfestijn is ‘n evenement woeë lokale artieste de kans kriege óm zich te laote zeen. Mer ouch de gevestigdje artieste oet de Limburgse vastelaovendj numme jaorliks plaats op de bühne. LVK-winnaars Hoondervel naome beväörbeeldj al vanaaf de ieërste editie ederskieër deil aan ’t Pleinfestijn! Liektj ’t uch ouch sjoeën óm binnekort op dit podium te staon? Gank den nao oze artiestepagina en melj dich aan!